Noong bata ako, hanggang ngayon...

Gaya ng maraming bata sa mundo, marami din akong mga pangarap na hanggang ngayon ay pinapangarap ko pa rin.

Maraming mga bagay na gusto kong gawin pero hindi ko naman kaya o hindi naman pwede. Maraming bagay na nais kong mangyari ngunit dahil ako ay isang hamak na palaka lamang, hindi ko rin naman kayang icontrol.

Noong bata ako, napakaraming bagay ang pinangarap ko. Hanggang ngayon, pinapangarap ko pa rin yun.

Naalala ko noong bata pa ako na madalas akong maiinggit sa mga kalaro at kaklase ko na maraming kapatid. Dalawa lang kasi kaming magkakapatid (youngest ako) at tanging Kuya ko lang (at minsan mga pinsan ko din) ang kalaro ko.

Madalas kong ini-imagine kung ano kaya ang feeling kung halimbawang nagkaroon ako ng maraming kapatid. Well, siyempre financially siguro mahirap yun di ba? Lalo na sa hirap ng buhay ngayon. Pero siguro iba yung childhood ko kung nagkaroon ako ng maraming kapatid.

Siguro maraming mag-aalaga sa akin kung marami akong kuya. Siyempre, marami din ang aaway sa akin. Pero who cares di ba? Sigurado namang riot to the max yung maraming kapatid. As in riot in a positive sense. Masaya 'pag marami-- maraming kalaro, maraming ka-share, maraming katawanan, maraming kakwentuhan, maraming karamay. Siyempre marami ding kaaway, kaagaw, at kakulitan.

Pinangarap ko din magkaroon ng kapatid na babae. Pinangarap ko din na may matawag na Ate at may tumatawag sa akin na ate. Siyempre meron din naman akong mga pinsan na babae pero sa tingin ko iba pa rin kong sarili ko talagang kapatid. Siguro may ka-bonding din ako, kasama magshopping (not that mahilig ako), at kachikahan.

Sarap siguro ng feeling na magshare ng secret sa kapatid mo noh? I mean, there is only so much a brother could understand. Hindi naman lahat naiintindihan ng kapatid na lalaki di ba? Napakaraming bagay na hindi siya makarelate. Like, bakit nakaka-irita ang monthly period, bakit kinikilig ka pag nakikita mo ang crush mo, bakit it matters na cute ang design ng nabili mong damit and so on.

Minsan ini-imagine ko na may Ate ako na nag-aayos ng buhok ko, nag-aadvice sa akin kung ano ang pinaka-magandang isuot, o kung bagay ba yung suot ko sa akin. Siguro hindi ako mahihirapan na ilabas ang emotions ko kung may kapatid akong makaka-intindi sa akin.

Sa totoo lang, pinapangarap ko pa rin ang mga bagay na ito. Tanggap ko rin naman na malabo na na magkaroon ako ng biological brothers and sisters at kuntento din naman ako sa kaisa-isa kong kapatid na wala ng ginawa kundi awayin ako at kulitin. Pero hindi din naman nawawala sa puso ko ang pangarap na magkaroon ng maraming kapatid.

Kaya masaya ako na makilala ang mga tao sa paligid ko. Masaya ako na magkaroon ng little/big brothers na kahit hindi man ako kaanu-ano ay naging parti din naman ng buhay ko. Masaya ako na magkaroon ng Kuya Junrell, Kuya Harvey, Kuya Jick at si Lolo DX na elder brother din ang turing ko. Siyempre masaya din ako na magkaroon ng Ate Minette, Ate Faith, Ate Grace, Ate Aya, Ate Tonet, Ate Aubrey, Ate Merl, Ate Janice, Ate Nelyn, Ate Steph at napakarami pang mga Ate na kahit hindi naman ako kaanu-ano ay naging Ate ko pa rin.

The fact alone na may natatawag akong Ate at Kuya ay masaya na ako. Feeling ko ay nagkaroon na rin ako ng kapatid na matagal kong pinangarap.

Siyempre kung may Ate at Kuya, meron din akong mga little brothers and sisters. Si Justine, Si Paul, Gian, Ren, mga little brothers na mahal na mahal ko. Si Ritch, Si Carla Mae, Si Marge, Marga, Dianne, Rina, at lahat ng mga babaeng members ng publication. Hindi man nila alam, kapatid pa rin ang turing ko sa kanila. Sisters na pwede ring brothers.

Siyempre andun din yung mga Momies ko na kahit Mommy ang tawag ko ay kapatid pa rin ang turing ko. Kaya masaya ako sa publication at sa TnC dahil ito ang nagprovide sa akin ng mga kapatid na hindi naging akin.

Hindi man matutupad ng lubusan ang pangarap ko na magkaroon ng maraming kapatid, in a way fulfilled na rin naman ito. In a way, nagkaroon na din ako ng maraming kapatid na hindi ko man kadugo naging importanteng parte pa rin ng buhay ko.